21 jun. 2018

DESPEDIMOS O CURSO!!! BOAS VACACIÓNSSS!!!



O pasado 18 de Xuñio saímos de excursión ao Parque dos Sentidos, logo fixemos un roteiro polas rúas máis importantes de Pontevedra. Despois comemos na Illa das Esculturas en A Xunqueira-Pontevedra. Por último, collemos o tren cara Vigo onde había un autobús que nos trouxo de volta a Moaña.


No parque dos sentido na granxa de Briz (Marín)
 

Merendando na Illa das Esculturas (Pontevedra)
 

No tren camiño de Vigo.
 

O martes 19 tivemos festa da auga, onde xogamos con xeringas, trasvase con vasos, rampa de auga, pistolas de auga, globos de auga e  xogo de esponxas.
 




 


Encántanos a rampa de auga!!!
 




 

Unhas esponxas moi esvaradizas.


Onte  fomos a praia da Xunqueira e despois ao parque. Pasámolo xenia!!! 
 


Hoxe puxemos o broche final a este curso coa celebración do XXV Cross Escolar de Abelendo. 
 

6 jun. 2018

ARTE CON CÁNICAS

Facemos obras de arte con cánicas e pintura líquida. Algo moi sinxelo que nos gusta bastante! 




OS PALEONTÓLOGOS DE 4 ANOS

Hai uns días cando chegamos a clase atopámonos cunha pequena sorpresa. Enriba das nosas mesas había un kit de paleontólogo (gafas de protección, cincel, lupa, pincel e martelo) e unha rocha para facer como os paleóntologos e poder atopar fósiles de dinosauro. 



 Agora todos os días algún de nos se dedica a picar un pouco na pedra. Encántanos!!!


XOGOS DE MOTRICIDADE FINA

Hai unhas semanas incorporamos un pequeno recuncho na clase para traballar a motricidade fina, a creatividade e relaxación. Para iso empregamos pedriñas, tapóns de cores, cunchas e cortizas. Cando nos apetece imos a este recuncho onde podemos coller unhas tarxetas de motricidade tamaño A3 que podemos ir cubrindo con elementos naturais. Outras veces utilizamos o lienzo en branco e facemos as nosas creacións.




  
Mirade que creacións tan chulas!!!

10 may. 2018

DINOSAUROS: FÓSILES DE PASTA DE SAL

Hoxe, na clase dos crocodilos, fixemos fósiles de dinosauros en pasta de sal (fariña, sal, auga e unhas gotas de glicerina) 


 Encántanos manchar as mans e remexer!






Ata houbo quen fixo fósiles de pes de arqueólogo!


Por suposto, ao rematar tivemos que deixar todo limpo e recollido.


l

7 may. 2018

SAÍMOS AO TEATRO: "ANTÓN COMODÓN"

Hoxe fomos ao teatro a Vigo a ver a obra "Antón Comodón" que trata sobre a historia de Antón, a quen de neno na súa casa llo facían todo, non facía falta que aprendera nada si el non quería. Cando medrou tiña un axudante, Nicolás, que era o encargado de facerllo todo. Pero un día Nicolás pensou que xa tiña bastantes cartos e foi vivir as illas verdes,... Antón non sabía vivir sen axuda: nin vestirse, nin atalos os cordóns, nin tan sequera comer só a sopa! Así pois decidiu comezar unha longa viaxe en busca de Nicolás, atravesando campos, cidades e lugares descoñecidos para el, como unha granxa e un porto. Durante a  viaxe Antón foi aprendendo moitas cousas. Cando por fin chegou ás illas verdes e atopou ao seu axudante deuse de conta que aprendera tanto que era capaz de valerse por si mesmo e foi entón cando decidiu quedarse a vivir y botar unha man a Nicolás co seu carriño de xeados, como dous bos amigos.


 No autobús






Antes de ir ao teatro fomos a xogar a un parque. 



Despois  de xogar merendamos para repoñer forzas.




No teatro


Aquí tedes algúns fragmentos da obra