@S PEQUES DE ABELENDO

Os nenos e nenas de Educación Infantil do CEIP de Abelendo....

Este decembro realizamos unhas saídas moi especiais: visitamos ás escolas infantís de Moaña para desexarlles a todos e a todas unhas boas festas. Levamos diferentes agasallos feitos polo alumnado de infantil (xa vos dixeramos que andabamos moi ocupados!!), e tamén recibimos agasallos das outras escolas.

O outro día Teo trouxonos unha sorpresa moi especial preparada da casa: unha sesión de contacontos!! Contou aos seus amigos e amigas o conto de "Era unha vez un corno de unicornio" (podes ver o conto neste enlace Era unha vez corno de unicornio ). Aínda que na clase xa o coñecíamos porque o temos no noso recuncho de Unicornios, nunca está de máis escoitalo da man de outra persoa! Teo o fixo xenial e, ademais, tiña gardado un agasallo, un Corno de galleta!! Xogamos por toda a clase a correr e a voar como fan os protagonistas do conto, que ben o pasamos!! E por último, despois de xogar... toca comer!! Mmmm, riquísimo!! Moitas grazas á mamá de Teo por esta idea tan chula, e sobre todo a Teo por facelo tan ben. O noso proxectos dos Unicornios está a piques de rematar, así que aínda estades a tempo de traer algunha actividade que se vos ocorra!! Biquiños, profe Eli

A educación emocional a idades tan temperás como é a etapa de educación infantil é moi importante para poder regular e coñecer as propias emocións, para afrontar diferentes situacións da vida cotiá e os cambios que poden acontecer na vida de nenos e nenas tan pequenos. Atopei este libro tan bonito sobre o papel que teñen as avoas e os avós na vida e na crianza dos nosos fillos/as: "A avoa do nobelo branco", de Baía Edicións. Parecíame bonito poder adicarlle unha sesión a falar sobre este membro familiar tan importante. Por iso cada neno/a trouxo unha fotografía da súa avoa ou avó, pensamos nun recordo bonito que tivesemos ou historia que nos contase o noso avó/a, saíron recordos moi bonitos grazas as fotografías que trouxechedes, así que moitas grazas pola participación! Despois collimos un nobelo da nosa aula (tal como se mostra no conto) e cada neno/a foi describindo como é (ou era, nalgúns casos) os seus avós, pasando o nobelo a outro compañeiro/a ata crear unha peq

Na clase de 4 anos xogamos a "Os ovos da galiña". Cada neno/a tiña que elixir unha galiña e poñer tantos ovos como indicaba a galiña.

Comezamos decembro con moitas sorpresas!! A primeira delas é a visita da Protectora de Animais do Morrazo para o alumnado de educación infantil, que ben o pasamos!! Ao principio estábamos un pouco asustados e asustadas ao ver a un can tan grande, pero despois xa nos demos conta de que León era un anaco de pan!! Deunos moitos bicos e quería agarimos todo o tempo, canto desfrutamos! A protectora de animais é unha organización sen ánimo de lucro que leva dende o ano 1993 rescatando, coidando e facéndose cargo daqueles animais, especialmente cans, que son abandonados polos seus donos. Na visita ao noso colexio contáronnos todo o que alí fan e todos os coidados básicos que precisan os cans: xogar, ir ao veterinario, saír a pasear, asealos... Ensináronnos tamén nun vídeo como é un día normal na protectora e puidemos ver que fanse cargo de coidar a moitos canciños!! Ademais, tivemos a oportunidade de darlle de comer e aprender a recoller as "cacas"que deixan os cans. Podes ver a

O 20 de novembro conmemórase o Día Universal da Infancia. Os nenos e nenas de 6º de educación primaria viñeron contarnos cales son os nosos dereitos: dereito a xogar, á educación, á saude, a ter unha familia... Moitas grazas nenos e nenas de 6º e tamén a súa profe Abi por explicarnos tan ben os nosos dereitos!!

O pasado 25 de novembro celebramos no colexio o día Mundial Contra a Violencia de Xénero. Sentámonos na entrada do colexio, que estaba chea de lazos violetas, e falamos da importancia de tratarnos ben os uns aos outros. Aínda que o 25N é o día contra a violencia de xénero as mestras de infantil explicamos que non só debemos tratarnos ben este día senón que debemos facelo SEMPRE. Tamén lemos o conto de "Arturo e Clementina", o cal poderedes atopar no seguinte enlace: Arturo e Clementina Arturo e Clementina son dúas tartarugas que se coñecen un día e deciden casar. Clementina está chea de soños e mil cousas por facer, pero a Arturo iso non lle parece ben, pensa que a súa muller é unha "parva" e que ten que quedar a limpar e coidar da casa. Vaille enchendo a súa cuncha de obxectos ata crear ata un rañaceos! Clementina, farta de ter que soportar todo iso, decide marchar e escapar de Arturo para sempre, e ser unha tartaruga LIBRE. Para seguir conmemorando este día,

Os contacontos deste trimestre tamén remataron!! Os nenos e nenas de infantil estamos moi ocupados preparando cousiñas... Rematamos este trimestre co conto de "Monstruo Rosa" e con "Arturo e Clementina", o cal lemos o día mundial contra a violencia de xénero.

Rematamos os obradoiros interniveis deste trimestre, temos moitas cousas que facer e ensaiar... Que estaremos a preparar?? O poderedes ver dentro dunhas semaniñas... Seguimos desfrutando coa realidade aumentada e a aplicación Chromville onde puidemos darlle coidados á planta e ver como crecía, observar os músculos e os ósos do noso corpo e ver os diferentes elementos da paisaxe. Na biblioteca tamén tiñan uns contos con realidade aumentada que puidemos desfrutar coa tablet. En cociña fixemos plastilina caseira con colorante e masa. Agora teremos que esperar á volta das vacacións para seguir experimentando!!

Na clase de 4 anos encántanos aprender xogando. Con este xogo, "As plumas do indio", fixemos parellas e, traballando en equipo, tiñamos que poñerlle tantas plumas ao indio como a profe nos indicaba. Costounos un pouco poñernos dacordo, saían máis plumas das que debían pero despois de varios intentos conseguimos coordinarnos coa nosa parella!! Agarimos da profe Eli

Este ano Dino traballou moito para poñer a biblioteca o mellor posible para que todos os nenos e nenas do cole poidan desfrutar ao máximo con novos contos e novos xogos. Por iso esta semana invitounos a inauguración da nova biblioteca cunha sesión de contacontos moi especial e moi animada a cargo da profe Patri. Moitas grazas profe!!

Que ben o pasamos desfrutando do Samaín no cole!!

Seguimos desfrutando cos contacontos na biblioteca: "A casa do rato Renato" "A castaña que rebentou de risa". "A mellor sopa do mundo"

Este curso escolar as mestras de infantil levamos a cabo dous obradoiros interniveis: cociña e novas tecnoloxías. En novas tecnoloxías estivemos xogando con robots e realidade aumentada No taller de cociña experimentamos, probamos, manipulamos e sobretodo...pasámolo xenial!

A chegada do outono permite facer cousas tan fermosas como estas mandalas que artellaron todos os nenos e nenas. Mesturamos as clases e este foi o resultado! Mirade que concentrados estaban todos/as.  

A semana pasada nenos e nenas puideron desfrutar dunha pequena sesión de ioga feita pola profe Silvia. Facer ioga promove a relaxación, estimula o autocontrol e axuda a mellorar o noso equilibrio e coordinación.

Este ano poñemos en marcha todos os luns, despois do recreo, unha sesión de contacontos na biblioteca por parte das mestras de educación infantil. Estas dúas semanas contamos o conto de "O incrible neno devorador de libros" e "A que sabe a lúa?". Os nenos e nenas pasanno xenial!

Dado os últimos acontecementos relacionados coa violencia machista, as mestras de infantil non podiamos quedarnos de brazos cruzados, polo que decidimos unirnos á iniciativa de Anxo Moure "Corazóns solidarios". Quixemos convertir as noticias feas en algo bonito, decidimos convertir a violencia machista en amor. destruimos coas nosas mans as noticias malas, as trituramos coa batidora e cunha peneira e moldes en forma de corazón cada neno e nena fixo o seu corazón solidario, para acabar co malo co amor. Coa violencia, tolerancia cero.

Benvidos e benvidas a todas as familias a este novo curso 2019-2020!! O colexio de Abelendo comezou este novo curso escolar coa iniciativa de Teachers for future "Semana polo clima". Durante toda a semana os nenos e nenas do centro levaron a cabo diferentes iniciativas para loitar en contra do cambio climático, que finalmente desembocaron o pasado venres nunha manifestación ao ritmo da frase "Insuztiza, manifestación, queremos un mundo moito mellor!" Na foto podedes ver o resultado final e na páxina web podedes ver un pequeno resumo. Cambiar o mundo é cousa de nenos/as!!

Este fin de semana celébrase  O primeiro festival de cine infantil de Marín  para os que vos apeteza algo diferente e de paso aprender algo sobre o cine, proxecto deste ano, premede no texto para ver.

Este mes de marzo tivemos outro cumple. A nosa amiga Laia cumpriu 5 aniños e quixo celebralo con todos e todas nos. Comemos patatillas e gusanitos e clmpartimos unha estupenda torta. Desexámoslle un feliz cumpreanos e démoslle os parabéns!!! Que este novo ano te encha de alegría, Laia!! Querémoste moito!!!!😍😍

Outro ano máis, demde a escola de música convidáronnos a escoitar un conto musicado. Encantounos todo, baixar a Quintela camiñando, escoitar a música e subir en bus. Un día perfecto!! Grazas ás persoas que dende a escola de música se preocupan e traballan para que a rapazada poida desfrutar coa MÚSICA!!